Tunhnai a Lok Ayukta in hearing a koh ah tel ngei tura hriattir a ni chungin hektu Zoramchhana Sailo, ZPM Ṭhalai hruaitu hi a inlan ve lova, mahse Lok Ayukta thutlukna siama an ziah danin a hek na chu a dik lo tih a pawm niin tarlan a ni, MNYF chuan an ti. "Lok Ayukta in dik taka rorel a he inhekna hi thu tling lo a ni tih leh he project kalpui dan ah hian thil dik lo a awm lo a ni tih tichiang a, a case an titawp (closed) ta hi a lawmawm kan ti a, dik na a dingchang leh ta a ni," tiin an thuchhuah ah MNYF chuan an tarlang.

MNF Thalai chuan, he  inchhui na aṭang hian MNF sorkar hunlai a Mizoram Tourism Deptt lo thawh ṭhat zia a lang chhuak a, khatih lai a Tourism Minister Robert Romawia Royte MLA & MNYF a kan President ni lai te, Tourism Deptt thawktute leh Contractor te an fakawm kan ti a. He project hi Reiek khua in rampum huap chawimawina sang 'Best Tourism Village Award 2023' a dawnna atana thawh hlawk tak a ni tih kan hriat in ropui kan ti hle, an ti.

"ZPM Ṭhalai ten dawt hmanga MNF sorkar leh khatih laia Tourism Minister tih mualpho tuma an hekna dikloh zia Lok Ayukta in a tilang ta hi lawmawm kan ti a, MNF hunlai a Tourism Deptt leh he hna atana Contractor te thawh ṭhat zia lo lang chhuak hi chhuanawm kan ti hle a ni," tiin an tarlang a ni.